II Dünya Müharibəsində İngiltərə ordusu almanları belə aldadımış - Hər şey saxta imiş + Gizli qalmış GÖRÜNTÜLƏR

II Dünya Muharibəsi dövründə İngiltərə ordusu Almanları aldatmasının görüntüləri gündəm olub.

32gun.az xarici KİV-ə istinadən bildirir ki, ABŞ ordusunun bu xüsusi bölməsi 40 ildən çox gizli qalmışdı.

İkinci Dünya Müharibəsi "Ghost Army" (Kabus ordusu) bölməsi Alman qüvvələrini aldatmaq üçün şəkildəki zirehli maşın kimi şişirdilmiş hərbi texnikadan istifadə edib. Onlar 1944-cü ilin mayından 1945-ci ildə müharibənin sonuna qədər fəaliyyət göstəriblər. 

Məlum olduğu kimi  tarixi qlobal münaqişə zamanı quruda, dənizdə və havada yüzlərlə qanlı toqquşmalar aparılıb. Lakin ABŞ ordusunun bir çox məxfi batalyonu döyüş meydanında alman əsgərlərini aldatmaq üçün güllələrlə deyil, səhnə alətləri ilə, şişirdilmiş həqiqi ölçülü tanklardan, saxta nişanlardan, səs effektlərindən və saxta radio ötürücülərindən istifadə edərək döyüşüblər. 

Londonda yerləşən ABŞ Ordusunun zabitləri polkovnik Billi Harris və mayor Ralf İnqersoll Şimali Afrikada Britaniyanın aldatma taktikasının uğurundan ilhamlanaraq Kabus Ordusunun formalaşmasına rəhbərlik ediblər. 

Britaniya Ordusunun 1942-ci ildə təşkil etdiyi Bertram əməliyyatı almanları ingilislərin cənubda mövqelərini gücləndirdiyinə inandırmaq və şimalda Britaniya səfərbərliyini gizlətmək üçün kamuflyaj və 2000-dən çox saxta maşınlardan istifadə edib.

Kabus ordusuna rəhbərlik edən polkovnik Harri L. Rider olub. O 82 ordu zabitinə və 1023 yeni əsgərə rəhbərlik edib. Onların arasında Nyu Yorkdakı Pratt İnstitutunun Sənaye Kamuflyaj Proqramının incəsənət tələbələri, modelyer Bill Blass, fotoqraf Art Kane və rəssam Ellsvort Kelli də olub.

Nilufər