Sexdə baş verən partlayış nəticəsində 16 nəfər ölüb - VİDEO (YENİLƏNİB)

Paytaxtın Binəqədi rayonunda baş verən partlayış nəticəsində dağıntılar altında qalan şəxslərin axtarışları davam edir.

"32gun.az"ın "Unikal"a istinadən  verdiyi məlumata görə, hadisə nəticəsində 16 nəfər həlak olub.

Onlardan 8-nin meyiti dağıntılar altından çıxarılıb, digərlərinin tapılması istiqamətində axtarış işləri aparılır.

***

14:48

Fövqəladə Hallar Nazirliyinin xilasediciləri tərəfindən Bakı şəhəri, Binəqədi rayonu, A.Kunanbayev küçəsində yerləşən sexdə baş vermiş partlayışla əlaqədar dağıntılar altından daha bir nəfərin cəsədi tapılıb.

"32gun.az" xəbər verir ki, bu barədə FHN-nin Mətbuat xidməti məlumat yayıb.

Qeyd olunub ki, hadisə nəticəsində xilasedicilər tərəfindən dağıntılar altından 3-ü sağ çıxarılmaqla, ümumilikdə 24 nəfər xəsarət alıb, 8 nəfərin cəsədi tapılaraq aidiyyəti üzrə təhvil verilib.