Ulu öndərin fikirləri zamanla təsdiqləndi - Ali Baş Komandanın siyasətində real təcəssüm
Ulu öndər Heydər Əliyevin səsləndirdiyi fikirlər yalnız öz dövrü üçün deyil, bu gün üçün də aktual olan dərin dövlətçilik fəlsəfəsinə söykənir. Onun milli-mənəvi dəyərlər, güclü dövlət, ədalət, dil, gənclər və ordu haqqında söylədikləri müasir Azərbaycanın ideoloji əsaslarını formalaşdırıb.
Bu fikirlər zaman keçdikcə öz təsdiqini tapıb və real dövlət siyasətində öz əksini göstərib. Xüsusilə Prezident İlham Əliyevin rəhbərliyi ilə həyata keçirilən islahatlar, strateji qərarlar və tarixi hadisələr ulu öndərin baxışlarının praktik davamı kimi çıxış edir. Güclü ordu quruculuğu, milli maraqlara əsaslanan xarici siyasət, sosial ədalət və dövlət–xalq birliyi bu xəttin əsas sütunlarıdır. Qarabağın azad edilməsi ilə nəticələnən Vətən müharibəsi də bu siyasi iradənin və strateji baxışın bariz nümunəsidir. Bugünkü Azərbaycan Heydər Əliyev ideyalarının Prezident İlham Əliyev tərəfindən müasir çağırışlara uyğun şəkildə həyata keçirildiyini göstərir. Ulu öndərin fikirləri bu gün də dövlətçilik yolumuzun mənəvi və siyasi kompasıdır.
32gun.az ümummilli liderin fikirlərindən bəzilərini təqdim edir:
“Bir hadisənin qarşısını almaq, o hadisə baş verəndən sonra onun nəticələrini aradan götürməkdən daha asandır.”
Bu fikir Prezident İlham Əliyevin qabaqlayıcı siyasətində aydın görünür. Regional təhlükəsizlik, enerji layihələri və pandemiya dövründə vaxtında atılan addımlar risklərin böyüməsinin qarşısını aldı.
“Xalqı həmişə mənəviyyat birləşdirmişdir.”
44 günlük Vətən müharibəsi zamanı xalq–ordu–lider birliyi məhz mənəvi dəyərlərin gücünü nümayiş etdirdi.
“Hər bir xalqın milliliyini, mənəvi dəyərlərini yaşadan, inkişaf etdirən onun dilidir.”
Bu gün Azərbaycan dilinin qorunması və beynəlxalq səviyyədə təşviqi dövlət siyasətinin prioritetlərindəndir.
“Cəmiyyətin gələcək tərəqqisi indi gənclərimizə nəyi və necə öyrətməyimizdən asılıdır.”
Gənclər siyasəti, təhsil islahatları və gənclərin dövlət idarəçiliyinə cəlb olunması bu baxışın davamıdır.
“Dövlət iki şeydən sarsıla bilər: günahkar cəzasız qalanda və günahsıza cəza veriləndə.”
Hüquqi islahatlar və məhkəmə sisteminin təkmilləşdirilməsi ədalətin təmininə xidmət edir.
“Xalq gərək daim öz kökünü xatırlasın.”
Milli-mədəni irsin qorunması, tariximizin təbliği və Qarabağda aparılan bərpa işləri bu fikrin real təzahürüdür.
“Sülh danışıqlarını cəsarətlə apara bilmək üçün güclü orduya malik olmaq lazımdır.”
Müasir Azərbaycan Ordusu və əldə olunan hərbi-siyasi qələbə bu fikrin tam doğruluğunu sübut etdi.
“Demokratiya insanların şüurunda dəyişiklik deməkdir.”
İslahatların mərhələli aparılması və təkamül yolu ilə inkişaf bu yanaşmaya əsaslanır.
“Dövlətçilik hər bir şəxsin qəlbində olmalıdır.”
Vətən müharibəsində könüllü iştirak və vətəndaş məsuliyyəti dövlətçilik şüurunun göstəricisi oldu.
“Xalq dövlət üçün yox, dövlət xalq üçün olmalıdır.”
Sosial rifah proqramları, şəhid ailələrinə və qazilərə göstərilən diqqət bu prinsipin bariz nümunəsidir.
“Vətənpərvərlik insanın daxilindəki duyğulardır.”
Milli həmrəylik və vətən sevgisi bu gün Azərbaycan cəmiyyətinin əsas güc mənbəyidir.
“Öz ana dilini bilməyənlər şikəst adamlardır!”
Ana dilinə dövlət səviyyəsində verilən dəyər bu çağırışın davamıdır.
“Ağıl olan yerdə zora ehtiyac yoxdur.”
Düşünülmüş diplomatiya və rasional siyasət Azərbaycanın beynəlxalq mövqelərini möhkəmləndirib.
“Tənqid həmişə işə kömək edir.”
İdarəetmədə şəffaflıq və ictimai nəzarətin artması inkişaf üçün vacib amil kimi qəbul olunur.
“Böyük siyasəti kiçik hissələrə bağlamaq olmaz.”
Uzunmüddətli strateji baxış Azərbaycanın davamlı inkişafını təmin edir.
“İnsan mənəviyyat üçün yaşamalıdır.”
Milli dəyərlərə söykənən dövlət siyasəti mənəvi gücü prioritet hesab edir.
Ulu öndər Heydər Əliyevin bu fikirləri bu gün Prezident İlham Əliyevin rəhbərliyi ilə həyata keçirilən siyasətdə real hadisələr və tarixi nailiyyətlərlə öz təsdiqini tapır.
Aygün İlqarqızı / 32gun.az Xəbər Portalının baş redaktoru
