ABŞ BMT İnsan Hüquqları Şurası və UNRWA-dan imtina edəcək

ABŞ prezidenti Donald Tramp ölkənin BMT-nin İnsan Hüquqları Şurasından çıxması haqqında fərmanı təsdiq edəcək.

"32gun.az” Amerikanın “Politico” nəşrinə istinadən xəbər verir. 

2018-ci ildə Ağ Evin hazırkı rəhbəri artıq ABŞ-ı Şuradan çıxarıb, lakin “insan hüquqları sahəsində öhdəlikləri” qoruyub saxlayıb.

İndi Vaşinqton BMT strukturunu İsrailə qarşı düzgün olmayan hərəkətlərdə ittiham edir, nəşr yazır.

Tramp həmçinin BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin terror qruplaşmaları ilə əlaqəsi olduğu iddiasına görə ona dəstəyi qadağan edən sənədi imzalamağa hazırdır.

Tramp daha əvvəl Covid-19 epidemiyası zamanı fikir ayrılıqlarına görə ABŞ-ın Ümumdünya Səhiyyə Təşkilatından çıxması təşəbbüsü ilə çıxış edib.

Ayxan