Muzeydə atışma - Polis əməkdaşı ÖLDÜRÜLDÜ

Hindistanın Kəlkütə şəhərinin mərkəzindəki ən qədim Hindistan Muzeyi kompleksində atışma baş verib.

32gun.az xəbər verir ki, bu barədə polisə istinadən “The Hindu” qəzeti məlumat yayıb.

Qeyd olunub ki, muzeyi qoruyan baş konstabel Akşay Kumar Mişra xidməti silahı olan “AK-47” avtomatı ilə 15 dəfə atəş açıb.

Nəticədə bir polis həlak olub, komendant köməkçisi yaralanıb. Hadisəni törədən şəxs polis tərəfindən saxlanılıb.