Yük maşınının təkəri çıxıb yol kənarındakı şəxsi öldürdü

Bakı-Qazax magistral yolunda piyadanın ölümü ilə nəticələnən hadisə baş verib.

Oxu.Az-ın məlumatına görə, hadisə Ağdaş rayonunun Ləki qəsəbəsindən keçən hissəsində baş verib.

Belə ki, qəsəbənin girişində yük avtomobilinin təkəri çıxıb və oradakı yanacaqdoldurma məntəqəsində dayanan 1983-cü il təvəllüdlü Aqil Hümbətova dəyib.

O, hadisə yerində vəfat edib.