Estoniyada Sputnik əməkdaşına hökm oxunub

Estoniyada Sputnik Meedia əməkdaşı Mati-Dmitri Terestal "beynəlxalq sanksiyaların pozulması" ittihamı ilə şərti həbs cəzasına məhkum edilib

Estoniyanın Harju rayon məhkəməsi Sputnik Meedia-nın əməkdaşı Mati-Dmitri Terestalı "beynəlxalq sanksiyaların pozulması" ittihamı ilə iki il dörd ay şərti həbs cəzasına məhkum edib. 32gun.az xarici KİV-ə istinadən xəbər verir ki, məhkəmə qərarına görə, Terestal 2019-cu ildə Sputnik Eesti-nin bağlanmasından sonra həyat yoldaşı Yelena Çerişeva ilə birlikdə qeyri-kommersiya təşkilatı yaradaraq Sputnik fəaliyyətinə davam edib. Dövlət ittihamçısı bildirib ki, Terestal beynəlxalq sanksiyaları bilərəkdən nəzərə almayıb.

Yelena Çerişeva qərarı əvvəlcədən gözlənilən adlandırıb və ərinin Estoniyada olsaydı, həbs oluna biləcəyini qeyd edib. O, həmçinin Sputnik Meedia-nın "Rusiyaya bu gün" ilə əlaqəsini sübut edən heç bir dəlil olmadığını və onların kontentinin ölkələr arasında dostluq münasibətlərinə dəstək verdiyi üçün mənfi reaksiyalar doğurduğunu vurğulayıb. Lakin Terestala qarşı apellyasiya qərarı hələ qəbul edilməyib.

Ayxan