İkiqat qətli ört-basdır etmək üçün evi yandırıb

Gecə saatlarında Yakutskda iki mərtəbəli evdə yanğın baş verib, içərisində isə iki nəfərin cəsədi tapılıb.

Sonradan məlum olub ki, meyitləri tapılan şəxslər qətlə yetirilib və yerli sakin olan cinayətkar yanğını cinayətin izlərini gizlətmək üçün törədib.

32gun.az bildirir ki, bu barədə Saxa Respublikasının (Yakutiya) İstintaq Komitəsi məlumat yayıb.

Hadisə Rixard Zorge küçəsindəki iki mərtəbəli evlərdən birində baş verib. İstintaq Komitəsi cinayəti törətməkdə şübhəli bilinən şəxsin iştirak etdiyi istintaq təcrübəsindən bir hissəni təqdim edib. Şübhəli şəxs, öldürdüyü şəxsləri necə öldürdüyünü və sonra evi necə yandırdığını izah edib.

"Burada pərdəni yandırmağa çalışdım. Sonra buradan çıxanda, hər şey alovlanmağa başlayanda, buradan parça götürüb ora atdım," — şübhəli şəxs istintaq tədbiri zamanı danışıb.

Hadisə ilə bağlı iki nəfərin qətlə yetirilməsi ilə əlaqədar cinayət işi açılıb. Cinayətin şübhəlisi 58 yaşlı kişi olub, o, əvvəllər bir neçə dəfə məhkum olunub. Kişi və qadını şəxsi nifrət üzündən, mübahisə zamanı öldürüb və cinayəti alkoqol təsiri altında törədib.

31 yanvar tarixində məhkəmə şübhəli şəxsi həbs edib. Cinayət işi üzrə araşdırmalar davam edir.

Ayxan