Ukraynanın keçmiş baş naziri Kiyevin may atəşkəsinə əməl etmək imkanını qiymətləndirib

Ukrayna hakimiyyəti Rusiyanın 8-11 may tarixləri üçün elan etdiyi atəşkəsi yerinə yetirməyəcək.

32gun.az bildirir ki, bu barədə RİA Novosti agentliyinə keçmiş Ukrayna baş naziri Nikolay Azarov bildirib.

Onun fikrincə, Kiyev atəşkəs rejimini yerinə yetirməyəcək, çünki Ukrayna Qələbə Gününü tanımır.

Qeyd edək ki, 28 aprel tarixində Vladimir Putin Qələbənin 80 illiyi münasibətilə atəşkəs elan edib. O, 7-dən 8 may gecə yarısından başlayaraq 10-dan 11 may gecə yarısına qədər qüvvədə olacaq. Kreml mətbuat xidməti bildirib ki, bu dövrdə Ukrayna tərəfinin də atəşkəs rejiminə riayət edəcəyi gözlənilir.

Sonradan Ukraynanın xarici işlər naziri Andrey Sibiga bəyan edib ki, Kiyev uzunmüddətli, möhkəm və tam atəşkəsi dəstəkləməyə hazırdır.

Rusiya Federasiya Şurasının spikeri Valentina Matvienko prezidentin atəşkəs təşəbbüsünü "nəcib" adlandırıb. Lakin o, qeyd edib ki, Ukrayna tərəfdən hər şey gözləmək olar: Kiyev formal olaraq razılaşsa belə, bu, onların razılaşmalara əməl edəcəyi anlamına gəlmir.

Nilay