Mağazanı soydu, geri qayıdanda yaxalandı - Bu ölkədə

Çelyabinskdə mağazanı qarət edən şəxs geri qayıdanda yaxalanıb.

32gun.az xəbər verir ki, bu barədə vilayət prokurorluğunun mətbuat xidməti məlumat yayıb.

Bu ilin iyul ayında təqsirləndirilən şəxs gecə saatlarında balaclava taxaraq yerli supermarketə daxil olub. İstintaqın məlumatına görə, hücum edən şəxs bıçağı çıxararaq mağaza işçisindən kassadakı pulu ona verməsini tələb edib. Daha sonra o, 4000 rublunu götürərək cinayət yerindən qaçıb.

"Qısa müddət sonra təqsirləndirilən şəxs oğurladığı pulu bankomat vasitəsilə bank hesabına yatırmaq üçün supermarketə qayıdıb, lakin xarakterik xarici xüsusiyyətlərinə görə müəyyən edilib və mağaza işçiləri tərəfindən saxlanılıb", - idarədən bildirilib.

Həmin şəxsə qarşı Rusiya Federasiyası Cinayət Məcəlləsinin 162-ci maddəsinin 2-ci hissəsi (quldurluq) ilə cinayət işi açılıb. O, tezliklə məhkəmə qarşısına çıxacaq. Təqsirləndirilən şəxsi 10 ilə qədər həbs gözləyir.

Ayaz