Bəxti gətirən "Subaru": Asılı qalan kondisioner sosial medianın gündəmində

Bakıda yaşayış binalarının birində baş verən hadisə həm həyəcan, həm də sosial şəbəkələrdə böyük maraq doğurub.

32gun.az bildirir ki, binanın fasadından qopan kondisioner aqreqatı az qala aşağıda dayanan  avtomobilin üzərinə düşəcəkdi.

Möcüzəvi Xilas

​Yayılan görüntülərdə hündürmərtəbəli binanın divarında onlarla kondisionerin ardıcıl düzüldüyü görülür. Lakin diqqət çəkən əsas məqam, yuxarı mərtəbələrdən birində kondisionerin yerindən qoparaq yalnız naqillərdən asılı qalmasıdır. Həmin an binanın düz aşağısında dayanan ağ rəngli, idman üslublu Subaru Impreza markalı avtomobil isə böyük bir təhlükədən son anda xilas olub.

"Halal Pulla Alınan Maşın"

​Hadisənin videosu sosial şəbəkələrdə paylaşılarkən maraqlı başlıqla təqdim edilib. İstifadəçilər maşının sahibinin bəxtinin gətirməsini "halal pulla alınan maşın" deyə xarakterizə ediblər. 

Görüntülər həm də binalardakı kondisionerlərin texniki təhlükəsizliyi məsələsini yenidən gündəmə gətirib. Asılı vəziyyətdə qalan və hər an yerə düşmə ehtimalı olan ağır aqreqat həm piyadalar, həm də digər nəqliyyat vasitələri üçün ciddi təhlükə mənbəyi hesab olunur.

Nilay