Xırdalanda partlayış OLDU - yaralananlar var (VİDEO/YENİLƏNİB)
Fövqəladə Hallar Nazirliyi Abşeron rayonu, Xırdalan şəhərində çoxmərtəbəli yaşayış binasındakı partlayışla bağlı məlumat yayıb.
Nazirlikdən 32gun.az-a verilən məlumata görə, hadisə ilə əlaqədar dərhal FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri əraziyə cəlb olunub.
Hadisə yerində əməliyyat şəraitinin ilkin qiymətləndirilməsi zamanı AAAF Park Yaşayış Kompleksində ondördmərtəbəli yaşayış binasının 2-ci mərtəbəsindəki mənzildə ilkin ehtimala görə məişət qazının sızması nəticəsində yanğınla nəticələnməyən partlayışın baş verdiyi müəyyən olunub. Hadisə nəticəsində, ilkin məlumata əsasən, 3 nəfər xəsarətlərlə xəstəxanaya yerləşdirilib, partlayış dalğasının zərbəsindən həyətdə park edilmiş 2 avtomobilə ziyan dəyib.
FHN əməkdaşları tərəfindən ərazidə müvafiq təhlükəsizlik tədbirləri görülüb.
*** 22:11
Xəbər verdiyimiz kimi, Xırdalanda yaşayış binasında partlayış olub.
32gun.az xəbər verir ki, hadisə nəticəsində 4 nəfər yaralanıb. Onlar xəstəxanaya aparılıblar. Partlayış zamanı yaxınlıqda olan avtomobillərə də ciddi ziyan dəyib.
İlkin ehtimala görə, hadisəyə səbəb qaz sızması olub.
*** 21:51
Fövqəladə Hallar Nazirliyi (FHN) Xırdalanda baş verən yanğınla bağlı məlumat yayıb.
FHN-in mətbuat xidmətindən 32gun.az- bildirilib ki, AAAF parkda yanğın olması barədə "112" qaynar xəttinə məlumat daxil olub.
Nazirliyin Yanğından Mühafizə və Xüsusi Riskli Xilasetmə Xidmətinin əməkdaşları hadisə yerinə cəlb olunub.
Əlavə məlumat veriləcək.
*** 21:31
Xırdalanda yaşayış binasında partlayış olub.
32gun.az xəbər verir ki, hadisə AAF Park Yaşayış kompleksində olub.
İlkin ehtimala görə, hadisəyə səbəb qaz sızması olub.
