İzmirin Berqama rayonundakı Perqamon Antik Şəhərində aparılan qazıntılar zamanı Roma dövrünə aid Mozaika Evinin qalıqları aşkar edilib. Qazıntılar zamanı arxeoloqlar üzərində kral möhürü olan kafel parçası, qədim türbələr, mətbəx qabları və döyüş alətləri aşkar edilib.
32gun.az bildirir ki, YUNESKO-nun Ümumdünya İrs Siyahısına daxil olan İzmirdə Bergama Çox Laylı Mədəni Landşaft Bölgəsində qazıntı və bərpa işləri Mədəniyyət və Turizm Nazirliyinin “Gələcək üçün İrs Layihəsi” çərçivəsində ilboyu fasiləsiz aparılıb.
Layihənin koordinatoru Manisa Cəlal Bayar Universitetinin qazıntı işləri üzrə direktoru, Arxeologiya şöbəsinin müdiri Prof. Dr. Yusuf Sezgin bildirib ki, layihə çərçivəsində qazıntılara ötən ilin sentyabrında başlanılıb.
Sezgin, “Gələcəyə Miras” layihəsi ilə Türkiyədə arxeoloji qazıntılara böyük sərmayələrlə geniş işlərin aparıldığını və bunun türk arxeologiyası üçün yeni bir dövr olduğunu bildirib.
Prof. Dr. Sezgin Antik Perqamon şəhərində bir neçə nöqtədə iş apardıqlarını açıqlayıb və Qırmızı Həyət yaxınlığındakı qazıntılarda "Mozaika Evi" adlı böyük bir tikinti kompleksinin tapıldığını bildirib.
Bu cür tikililərin qədim dövrlərdə mühüm insanlar tərəfindən istifadə edildiyinə diqqət çəkən Sezgin, “Qədim dövrlərdə “peristil evi” adlandırılan Mozaika Evi, mərkəzi daş həyəti və hovuzu ilə böyük bir yaşayış kompleksi təşkil edir” deyib
Sezgin kompleks quruluşun mühüm xüsusiyyətlərindən birinin mozaika məkanları olduğunu bildirərək bunları qeyd edib:
"Mozaika Evinin ən diqqətçəkən xüsusiyyətlərindən biri mozaika döşəmələrinin olmasıdır. Bu, onun mühüm bir quruluş olduğunu göstərir. Biz quruluşun eramızın 2-ci və 3-cü əsrlərində tikildiyini qiymətləndiririk. Xristianlıq dövründə də istifadə olunmağa davam etməli idi. Çünki Misir Tanrılarının Məbədi kimi tanınan Qırmızı Həyət onun tam arxasında yerləşən və xristian icmasına çevrildiyi üçün indiki bölgədə kilsəyə çevrilmişdir.
Hesab edirik ki, 7-ci əsrdə ərəb basqınları zamanı böyük yanğından sonra tərk edilib. Dam kirəmitləri və yanmış qablar bu dağıntının yanğın nəticəsində baş verdiyini göstərir. Mozaika quruluşun dörd fərqli nöqtəsində tapıldı. III-IV əsrlərə aid olan bu mozaikalarda həndəsi və nəbati motivlərdən, müxtəlif rənglərdən istifadə diqqəti cəlb edir”.
Yusuf Sezgin bunların türklər gəlməmişdən əvvəl Berqamonun son Bizanslılarının məzarları olduğunu və bəzi məzarlarda birdən çox dəfnlə qarşılaşdıqlarını qeyd edərək, bu, o dövrdə yaşayış şəraitinin çox yaxşı olmadığını göstərib.
Qazıntılar zamanı Roma və Bizans dövrünə aid mətbəx əşyaları, döyüş alətləri, zinət əşyaları və sikkələr kimi gündəlik həyatda istifadə edilən bir çox əsərin üzə çıxarıldığını qeyd edən Sezgin, bunlardan uyğun olanlarının Berqama Muzeyində sərgilənəcəyini vurğulayıb.
Sezgin əlavə edib ki, layihə çərçivəsində Dionis məbədində bərpa işləri aparılıb, gecə muzeyləri üçün Asklepion və Akropolda işıqlandırma layihələri həyata keçirilib.
Nilay
.jpg)
.jpg)
.jpg)