Həkimlər, elm adamları, tələbələr və mühəndislər ABŞ-ın müxtəlif şəhərlərində prezident Donald Tramp administrasiyasının hərəkətlərinə etiraz etmək üçün ötən həftənin sonunda aksiya keçiriblər.
Nümayişlər Nyu-York , Vaşinqton , Boston, Çikaqo və Viskonsin ştatının Madison şəhərlərində federal elm maliyyəsinin kəsilməsinə və yüzlərlə iqlim və sağlamlıq tədqiqatı işçisini ixtisar etmək səylərinə cavab olaraq keçirilib.
32gun.az bildirir ki, bu barədə Phys.org portalı Agence France-Presse (AFP) xəbər agentliyinə istinadən xəbər verib.
Alimlər qrantların dayandırılmasından narahat olduqlarını bildiriblər ki, bu da artıq tədqiqat proqramlarının ixtisarına və tələbələrin doktoranturaya qəbuluna səbəb olub.
Etirazçılar həmçinin vaksin əleyhinə tanınmış fəal kiçik Robert Kennedinin Səhiyyə və İnsan Xidmətləri Departamentinə rəhbər təyin olunmasını tənqid ediblər.
Bir çox tədqiqatçılar maliyyə azaldılması və qeyri-elmi siyasətlərin “beyin axınına” səbəb olacağından qorxur.
Bəzi tədqiqatçılar xaricə köçməyi düşünürlər.
"Mən Birləşmiş Ştatlara xidmət etmək istəyirəm, lakin bu mümkün deyilsə, bütün qapıları açıq saxlamalısınız" köpəkbalığı mühafizəsi üzrə ekoloq Çelsi Qrey jurnalistlərə deyib.
Alim əlavə edib ki, iqlim tədqiqatlarına görə xüsusi təhlükə altında olan federal qurumlardan biri olan Milli Okean və Atmosfer İdarəsində işləmək arzusundadır. O, indi İrlandiya pasportunun alınması prosesinə başlayıb.
Mütəxəssislər daha əvvəl prezident Donald Trampın siyasətləri səbəbindən ABŞ-da tibbi tədqiqatların böhranlı olacağı barədə xəbərdarlıq etmişdilər.
Ayxan
.jpg)
.jpg)
.jpg)