Londonda həkim qadın tibb bacılarını gizli çəkdiyinə görə həbs edildi
Londonda 51 yaşlı stomatoloq Amre Maqlad tibb bacılarını soyunma otağında gizli çəkdiyinə görə altı ay müddətinə azadlıqdan məhrum edilib.
32gun.az bildirir ki, bu barədə Daily Mail məlumat yayıb.
Hadisə, tibb bacılarından birinin otağın küncündəki kürəyə diqqət yetirməsi ilə üzə çıxıb. Kürəyin torlu cibində yerləşən smartfonda kamera aktiv idi. Qadın bu kürəni bir həftə öncə də görmüşdü və yerinin dəyişmədiyini xatırlamışdı. Kameranın çəkdiyini anlayan tibb bacısı dərhal rəhbərliyə məlumat verib.
Araşdırma nəticəsində məlum olub ki, kürə diş həkimi Amre Maqlada məxsusdur. O, üç tibb bacısının olduğu otaqda videoçəkiliş aparıb. Həmçinin daha bir qadının görüntüsü qeydə alınıb, lakin onun kimliyi hələ müəyyən edilməyib.
İlkin mərhələdə məsuliyyətdən yayınmağa çalışan Maqlad sonradan telefonun şifrəsini polisə təqdim edib. İstintaq dövründə o, işindən uzaqlaşdırılıb.
Məhkəmə onu altı ay həbs cəzasına məhkum edib, həmçinin o, yeddi il müddətinə seksual cinayətkarlar reyestrinə daxil ediləcək. Maqlad hər bir zərərçəkən tibb bacısına 500 funt sterlinq təzminat ödəyəcək.
Ayxan
.jpg)
.jpg)
.jpg)