Kanna Kino Festivalının tarixində ilk dəfə olaraq, festival rəhbərliyi aktyorun qırmızı xalçaya çıxışına qadağa qoyub.
32gun.az bildirir ki, bu barədə Variety məlumat yayıb.
Festivalda fransız aktyor Teo Navarro-Mussi “ləğv edilib”. Festivalın prezidenti Tiyerri Fremo və “137-ci iş” filminin prodüserləri aktyorun premyeraya qatılmasına icazə verməyiblər. O, bu filmdə ikinci dərəcəli rolda çəkilib. Film festivalın əsas proqramına daxil edilib.
33 yaşlı Navarro-Mussi üç sabiq partnyoru tərəfindən təcavüz, fiziki və psixoloji zorakılıqda ittiham olunub. Onlar hadisələrin 2018, 2019 və 2020-ci illərdə baş verdiyini bildiriblər. 2025-ci ilin aprelində aktyor barəsindəki iş sübutların olmaması səbəbindən bağlansa da, iddiaçılar apellyasiya şikayəti verəcəklərini açıqlayıblar.
Filmin prodüserləri bu qərarı belə əsaslandırıblar: “Kanna Kino Festivalının rəhbərliyi seksual zorakılıqda ittiham olunan şəxslərin fəaliyyətini işıqlandırmayacağını açıq şəkildə bəyan edib.”
Qeyd edək ki, bir gün əvvəl aktyor Jerar Depardye də cinsi zorakılıqda günahkar bilinmişdi.
Nilay
.jpg)
.jpg)
