BAAU-nun tərəfdaşlığı ilə Türkiyədə XII Beynəlxalq Türk Dünyası Araşdırmaları Simpoziumu keçirildi

BAAU-nun tərəfdaşlığı ilə Türkiyədə XII Beynəlxalq Türk Dünyası Araşdırmaları Simpoziumu keçirildi 

Türkiyənin Niğde Ömər Halisdemir Universitetinin ev sahibliyi ilə Bakı Avrasiya Universiteti və Qazax Milli Qızlar Pedaqoji Universitetinin birgə əməkdaşlığı ilə “Türk Dövlətləri arasında Ali Təhsil Sahəsində Əməkdaşlıq” mövzusunda təşkil olunan “XII Beynəlxalq Türk Dünyası Araşdırmaları Simpoziumu”nun və 2-ci Beynəlxalq Ar-Ge Layihə Yarışmasının açılış mərasimi keçirilib.

Simpoziumun açılış mərasiminə BAAU-nun rektoru dosent Səyavuş Qasımov, Niğde Ömer Halisdemir Universitetinin rektoru prof. dr. Hasan Uslu, Niğde Bələdiyyə Başçısı Emrah Özdemir, Qazax Milli Qızlar Pedaqoji Universitetinin rektoru prof. dr. Gülmira Qanay, Qaqauzları təmsil edən Moldova Respublikasının Komrat Dövlət Universitetinin rektoru dr. Sergey Zaharia, TÜBİTAK-ın sədr müavini dr. Həsən Səlcuq Selek, simpoziumda məruzə təqdim edən tədqiqatçılar və müxtəlif türk dövlətlərini təmsil edən akademik heyət və çox sayda tələbə iştirak edib.

Azərbaycan, Qazaxıstan və Türkiyənin himnlərinin səsləndirilməsi ilə başlayan Simpozium, rektorların açılış nitqləri ilə davam edib. Daha sonra “Kökümüz bir, türkük” festivalı başlayıb və tamaşaçılara türk xalqlarının musiqisini və mahnılarını çatdıraraq coşğulu anlar yaşadıb. Festivaldan sonra panel iclaslarına start verilib və tədqiqatçılar öz məruzələrini təqdim ediblər.

İlk dəfə 2014-cü ildə təşkil olunan simpoziumda bu il Türkiyə, Azərbaycan, Qazaxıstan, Qırğızıstan, Özbəkistan, İraq, İran və Moldovadan 400-ə yaxın alim və tədqiqatçı 277 elmi məqalə təqdim edib. 

Simpozium çərçivəsində 2-ci Beynəlxalq Ar-Ge Layihə Yarışmasına isə 61 layihə təqdim olunub. Türkiyə, Qazaxıstan və Azərbaycandan altı fərqli universitetin qatıldığı yarışmaya təqdim edilən layihələr münsiflər heyəti tərəfindən qiymətləndiriləcək və qaliblər mükafatlandırılacaq.

Daha ətraflı məlumat üçün link: https://lnkd.in/eKu34rgS

#BAAU #BakıAvrasiyaUniversiteti 
#NÖHÜ #Niğde