Bakı Dövlət Universiteti İkinci Avrasiya süni intellekt və verilənlər elmi forumunun keçirilməsi üçün malların və xidmətlərin satın alınması ilə bağlı tender keçirib.
32gun.az bildirir ki, Tenderin qalibi “Admedia.az” Məhdud Məsuliyyətli Cəmiyyəti olub və təklifin qiyməti 33 439,43 AZN təşkil edib. Layihənin ehtimal olunan dəyəri 37 332,84 AZN-dir.
Satınalma çərçivəsində xarici dəvətli forum iştirakçılarının 12 nəfəri üçün 15-19 oktyabr 2025-ci il tarixlərində 4 ulduzlu oteldə standart nömrələr və səhər yeməyi təmin olunacaq. Xarici dəvətli məktəb iştirakçılarının 2 nəfəri üçün isə 13-15 oktyabr 2025-ci il tarixlərində 4 ulduzlu oteldə standart nömrələr və səhər yeməyi təşkil ediləcək.
Forum iştirakçılarının nahar və şam yeməyi xərcləri də təmin ediləcək. 17 oktyabrda 50 nəfər, 18 oktyabrda isə 25 nəfər BDU və Qubadakı Tədris-təcrübə və istirahət Mərkəzində nahar edəcək. Xarici dəvətli forum iştirakçıları üçün 17 və 18 oktyabrda, xarici məktəb iştirakçıları üçün isə 13 və 14 oktyabr tarixlərində şam yeməyi otellərdə təşkil olunacaq.
Forum zamanı çay-kofe fasilələri 17 oktyabrda 50 nəfər, 18 oktyabrda isə 25 nəfər üçün keçiriləcək, fasilələrdə çay, qəhvə, süd, su, təbii şirələr, qazlı və qazsız içkilər, müxtəlif desertlər və kağız qablaşdırmada qənd təmin olunacaq.
Forum və məktəb iştirakçıları üçün 300 qramlıq təbaşirli kağızdan hazırlanmış xüsusi dizaynlı adlı yaxalıqlar, loqolu dəftərxana ləvazimatları, A5 formatında bloknotlar və diyircəkli qələmlər təmin ediləcək. Həmçinin forum üçün 32 səhifəlik proqram kitabçası və 80 sm x 200 sm ölçüdə roll-up materialları hazırlanacaq.
Bu satınalma forum iştirakçılarının rahatlığı, tədbirin yüksək səviyyədə təşkili və material təminatının tamlığı üçün nəzərdə tutulub.
Ayaz
