Rusiyada miqrantlar supermarketdə namaz qıldı, cərimə və ölkədən çıxarılma gözləyir

Kemerovoda miqrantlar yerli supermarketdə namaz qıldıqları üçün mağazadan çıxarılıb.

32gun.az xəbər verir ki, bu barədə mk.ru xəbər verir.

Yerli sosial şəbəkələrdə yayılan kadrlarda iki əcnəbinin kameraların yanında karton qutular üzərində durduğu, digər ikisinin isə yerə əyilərək paketdən yemək yediyi görünür.

Hadisə yerində olanlar öz narazılıqlarını ifadə edən bir neçə sərt rəy yazıb və təhlükəsizlik işçilərinin buna müdaxilə etmədiyini qeyd ediblər.

mk.ru-nun məlumatına görə, supermarket rəhbərliyi miqrantlara yalnız xəbərdarlıq edib. Polisə şikayət daxil olduqdan sonra hüquq-mühafizə orqanları araşdırma aparmağa başlayıb.

Mütəxəssislər iştirakçıların şəxsiyyətini müəyyən ediblər. Hər bir miqrant 30 min rubl məbləğində cərimələnəcək və ölkədən çıxarılacaq.

“Əcnəbi vətəndaşlar yaxın günlərdə ölkədən deportasiya olunacaqlar,” – məqalədə qeyd olunub.

Qeyd edilir ki, bütün tədbirlər qanun çərçivəsində həyata keçirilib.
Ayaz