Hokkey qarşılaşmasında gözlənilməz hadisə: məşqçinin başına şayba dəydi

Gənclər arasında dünya çempionatında Slovakiya yığmasının baş məşqçisi Peter Fryuhauf İsveçlə oyunda xoşagəlməz hadisə ilə üzləşib.

32gun.az bildirir ki, Matç zamanı şayba meydançadan kənara çıxaraq mütəxəssisin başına dəyib və onun alnını yaralayıb.
Hadisədən sonra məşqçinin qanı silinib və o, oyunu davam etdirərək komandasına rəhbərlik etməyi sürdürüb.
Qeyd edək ki, Slovakiya yığması gənclər arasında dünya çempionatının start matçında İsveçə 2:3 hesabı ilə məğlub olub. Qarşılaşmanın gedişini “Gazeta.Ru” onlayn rejimdə izləyib.
Xatırladaq ki, fevralın 4-də Beynəlxalq Buzüstü Hokkey Federasiyası (IIHF) Rusiya yığmasının diskvalifikasiyasını yenidən uzadıb. Bu qərara əsasən, Rusiya milli komandası 2025 və 2026-cı illərdə dünya çempionatlarında, həmçinin 2026-cı ildə keçiriləcək gənclər arasında dünya birinciliyində iştirak etməyəcək. Rusiya hokkeyçiləri 2026-cı ildə İtaliyada baş tutacaq Qış Olimpiya Oyunlarında da çıxış edə bilməyəcəklər. Bununla belə, IIHF-in prezidenti Lüc Tardif yanvar ayında yeniyetmələrin mümkün buraxılışı ilə bağlı qərar qəbul oluna biləcəyini bildirib.

Ayaz