Tramp tərəfdarları oyun zamanı pankart qaldırdılar (FOTO)

Tramp tərəfdarları beysbol oyununda əllərində “Tramp, ya ölüm” yazılmış pankart tutublar.

32gun.az-ın xarici KİV-lərə istinadən verdiyi xəbərə görə dəstəkçilər Nyu-Yorkdakı Yanki Stadionunda oynanılan "Yankees-Detroit Tigers" matçında "Tanrı Amerikanı qorusun" mahnısı səslənən zaman pankartları qaldırıblar.

Məlumata əsasən "Tramp ya da ölüm” həştəqi X sosial media platformasında trend olub. Sosial mediada bəzi şəxslər siyasəti idmanla qarışdırdıqları şərhləri ilə dəstəkçiləri tənqid ediblər.

Bildirilib ki, təşkilatçı ABŞ-da bəzi ictimai yerlərə girişi qadağan edilən və özünü “peşəkar təşviqatçı” kimi qələmə verən Dion Cini olub.

Xatırladaq ki, 2021-ci ildə iki Tramp tərəfdarı Yanki stadionunda "Tramp qalib gəldi" mesajı olan pankart açdığı üçün təhlükəsizlik işçiləri ilə qarşıdurmadan sonra stadiondan çıxarılmışdı.

Aysel Şirinova