Tolyatti "Akron" klubunun futbolçusu Artyom Dzyuba yoldaşlıq oyununda Ermənistanın "Urartu" komandasının oyunçusu Erik Simonyanla dalaşıb.
32gun.az xəbər verir ki, 29 yanvarda Birləşmiş Ərəb Əmirliklərində keçirilən təlim-məşq toplanışı çərçivəsində "Akron" və "Urartu" üz-üzə gəlib. Rusiya klubu matçdan 2:0 hesablı qələbə ilə ayrılıb. Qarşılaşmanın 64-cü dəqiqəsində Simonyan Dzyubanı təhqir edərək ona "sus" deyib. Buna cavab olaraq Dzyuba rəqibini itələyərək yerə yıxıb. Futbolçular dərhal ayrılıb, Dzyuba isə iki dəqiqə sonra əvəzlənib.
Təcrübəli hücumçu 2024-cü ilin yay transfer pəncərəsində Moskva "Lokomotiv" klubundan ayrılaraq **"Akron"**a keçib. O, Tolyatti təmsilçisinin heyətində 11 oyunda 3 qol vurub və 3 assist edib.
Dzyuba Rusiya çempionatlarında ümumilikdə 232 qol vurub. Tarixin ən yaxşı bombardiri 233 qolla Aleksandr Kerjakovdur. Bundan əlavə, o, "qol+pas" sistemində Dmitri Loskovdan 5 xal geridədir: Dzyuba 261 (161+98), Loskov isə 266 (120+146) xal toplayıb.
Ayxan
.jpg)
.jpg)
.jpg)