ABŞ İraqa təzyiq edir və sanksiyalarla hədələyir

ABŞ administrasiyası İraq hökumətinə ciddi təzyiq göstərir, kürd neftinin tədarükünü bərpa etməkdən imtina edərsə, onu sanksiyalarla hədələyir. 

32gun.az bildirir ki, bu barədə Reuters agentliyi xəbərə verib. 

Mənbələr bildiriblər ki, Türkiyə ərazisindən qlobal bazarlara neft ixracını gündə 300 min bareldən çox azaldan iki ilə yaxındır davam edən qarşıdurmaya gələn həftə son qoyulması gözlənilir. Vaşinqton ümid edir ki, İraqın kürd bölgəsindən neft ixracının bərpası İranın dünya bazarına tədarükünü kompensasiya etməklə İrana “maksimum təzyiq” strategiyasının həyata keçirilməsinə kömək edəcək: 

“ABŞ prezidenti Donald Trampın administrasiyası İraqa təzyiq edir ki, Kürdüstan neftinin ixracını bərpa etsin, əks halda İranla birgə sanksiyalarla üzləşsin”.

ABŞ rəsmilərinin bildirdiyinə görə, Vaşinqton İraq hakimiyyətinə ixrac əməliyyatlarını bərpa etmək üçün sorğu göndərib. İraq nazirinin bəyanatı çox güman ki, keçmiş ABŞ prezidenti Co Bayden administrasiyasının artan təsiri altında edilib.

Kürdüstan bölgəsindən Türkiyənin Ceyhan limanı vasitəsilə uzun müddətdir icazəsiz neft ixracı Ankaranı ikitərəfli razılaşmaları pozmaqda ittiham edən Bağdadı qəzəbləndirib. Bununla belə, texniki aspektlər, o cümlədən ödəniş mexanizmləri və qiymətlər hələ də tərəflər arasında razılaşma tələb edir, məlumatlı mənbələr bildirir.

İraqın Beynəlxalq Arbitraj Məhkəməsində qələbəsindən sonra Türkiyə magistral boru kəməri ilə neft nəqlini dayandırıb. 2023-cü ilin martında baş verən tədarükün kəsilməsi, əvvəllər İraq sərhədindən Türkiyənin Ceyhan limanına axan gündəlik 450 min barel İraq xam neftinə təsir göstərib.

Ayxan