“Soçi” və Mahaçqalının “Dinamo”su qolsuz heç-heçəyə razılaşdı

Rusiya Premyer Liqasının (RPL) 17-ci turu çərçivəsində Soçidə keçirilən “Soçi” – “Dinamo” (Mahaçqala) görüşü 0:0 hesabı ilə başa çatıb.

32gun.az xəbər verir ki, “Dinamo” matçda iki dəfə rəqibin qapısından top keçirib, hər iki epizodda qolların müəllifi Hamid Agalarov olub, lakin hər iki dəfə qollar qeydə alınmayıb.

Görüşün baş hakimi Nijni Novqoroddan olan Yeqor Yeqorov idi. O, matç ərzində cəmi bir sarı vərəqə göstərib — bu cəza oyunun 3-cü dəqiqəsində “Soçi”nin futbolçusu Dmitri Vasilyevə verilib.

Turnir cədvəlində Mahaçqala klubu 15 xalla 13-cü sırada qərarlaşıb. “Soçi” isə sonuncu – 9 xalla RPL-in autsayderidir. Liqanın lideri 37 xalla ölkənin hazırkı çempionu “Krasnodar”dır.

Növbəti, 2025-ci ilin son turunda “Dinamo” 7 dekabrda öz meydanında “Pari Nijni Novqorod”u qəbul edəcək (başlanğıc: 14:00). Eyni gün “Soçi” evdə Moskva “Lokomotiv”i ilə qarşılaşacaq (başlanğıc: 16:30).

Ayaz