Məşhur futbolçunun övladı dünyaya gəldi

İtaliyanın "Napoli" klubunun və Gürcüstan millisinin hücumçusu Xviçi Kvaratsxeliyanın oğul övladı dünyaya gəlib. 

32gun.az bildirir ki, bu barədə o, İnstaqram səhifəsində məlumat verib.

“Həyatımın ən xoşbəxt günü, 21 avqust 2024-cü il. Damian Kvaratsxeliya”, – Kvaratsxeliya yazıb.

Napoli" futbolçunu Gürcüstana göndərib ki, uşağın doğuşunda iştirak etsin.

2024-cü ilin yayında Kvaratsxeliya Gürcüstan millisi ilə birlikdə 2024-cü il Avropa çempionatında mübarizə aparıb. Komanda turnirin 1/8 final mərhələsində İspaniya millisinə uduzub. 1/8 final mərhələsinin görüşü 1:4 hesabı ilə başa çatıb. 18-ci dəqiqədə ispaniyalı Robin Le Normant topu öz qapısına çatdırıb. Rodri matçda tarazlığı 39-cu dəqiqədə bərpa edib. İkinci hissədə İspaniya yığmasının heyətində Fabian Ruiz , Niko Uilyams və Dani Olmo fərqlənib.

İtaliya çempionatının 2023/2024 mövsümündə 23 yaşlı Kvaratsxeliya 34 oyun keçirib, 11 qol vurub və 6 məhsuldar ötürmə edib. Onun Çempionlar Liqasında da səkkiz oyunu və bir məhsuldar ötürməsi var.

Ayxan