Harvard psixiatrı: 50 yaşdan sonra sağlam qalmaq üçün üzgüçülük, gəzinti və sosial əlaqələr vacibdir
50 yaşdan sonra fiziki rifahı qorumaq üçün üzgüçülük və təmiz havada gəzintilər, psixoloji sağlamlıq üçün isə müntəzəm sosial fəaliyyət vacibdir.
32gun.az xəbər verir ki, bu barədə Harvard Universitetinin psixiatrı Robert Uoldinqer Vanitatis nəşrinə müsahibəsində bildirib.
Mütəxəssisin sözlərinə görə, yetkin yaşda sağlam qalmağın əsas şərti həyat tərzini dəyişmək və fiziki aktivliyə üstünlük verməkdir. Həkim üzgüçülüklə və ya yoga ilə məşğul olmağı, həmçinin tez-tez açıq havada gəzməyi tövsiyə edir.
Uoldinqer sosial əlaqələrin gücləndirilməsinin də mühüm rol oynadığını vurğulayıb. Onun fikrincə, insan özü ilə dürüst və səmimi dialoq qura biləcəyi insanlarla əhatələnməlidir. Həmçinin həyatda məqsəd tapmaq da vacibdir — motivasiya, xüsusən də böyümüş uşaqlardan ayrıldıqdan sonra, tənhalıq hissinin qarşısını almağa kömək edir. Psixiatr qeyd edib ki, bu məqsəd bir hobbi və ya könüllü layihələrdə iştirak vasitəsilə formalaşa bilər.
Sonda psixoterapevt keçmişə ilişib qalmamağı və özünü həddən artıq tənqid etməməyi məsləhət görüb. O, uğursuzluqları həyatın təbii hissəsi kimi qəbul etməyin vacibliyini vurğulayıb.
Nilay
.jpg)
